Ne Akademine e Arteve Luftarake dhe te Fitnesit “Tirana MMA Center” ofrohen klasa ne Brazilian Jiu Jitsu, Kickboxing, Pergatitje Fizike apo Fitness, Karate, Judo, Mundje, Boks si dhe Mixed Martial Arts (MMA apo Arte Luftarake te Kombinuara). Efektiviteti i ketyre disiplinave eshte provuar tashme jo ne menyre teorike po ne “sheshin modern te betejes”, ne Ultimate Fighting Championship (UFC), Pride apo Strikeforce.  Te gjitha klasat ofrohen ne ambient profesional dhe nga instruktore te specializuar me arsim te larte qe e kuptojne vleren e arteve luftarake si mjet vetembrojtje, pergatitje fizike dhe te forcimit te karakterit.

Mos harro, nuk behesh dot i “zoti i vetes” duke pare filmin “Never Back Down”!!!  Bashkohu me ne në Tirana MMA Center qe të mesosh aftesi te reja, te permiresosh formen tende fizike dhe te çimentosh vetebesimin per perballjen e c’do veshtiresie.   Nese doni te ndiqni te rejat me te fundit te Tirana MMA Center shkoni ne faqen tone ne Facebook dhe beni “like”.

Klasa e vetmbrojtjes ka per qellim qe te mesoje ato individe qe nuk kane kohe apo mundesi te ushtrojne nje art luftarak ne menyre te rregullt me teknikat me te thjeshta dhe efikase per te mbrojtur veten ne raste rreziku.   Teknikat qe mesohen jane kombinim i arteve luftarake te ndryshme dhe demonstrohen nga instruktore me eksperiece dhjetra vjecare ne fushen e arteve luftarake.  Klasat jane te pershtatshme per femra dhe meshkuj si dhe per moshat nga 12 vjec e siper.

Orari

Klasat zhvillohen c’do te shtune nga ora 9:00 deri ne 10:30.

Cmimet

2000 leke personi apo 3000 leke cifti ne muaj.   Cift konsiderohet nje femer dhe nje mashkull qe regjistrohen bashke (bashkeshorte, te fejuar, apo partnere).

MIXED MARTIAL ARTS

Mixed Martial Arts apo MMA si njihen random ne gjithe boten eshte kulminacioni i evolucionit te derimetanishem te arteve luftarake.  Ne shqip, kjo disipline mund te perkthehet ne Arte Luftarake te Kombinuara (apo perziera).  Sic thote vete emri, ne kete disipline perfshihen te gjithe artet luftarake te mundshme ne vartesi dhe te aftesive te individidit.  Gjithsesi, pavaresisht nga preferencat individuale, ushtruesit e Mixed Martial Arts kane nevoje te praktikojne te pakten dy aspekte te dyluftimit – aspektin e dyluftimit ne kembe dhe aspektin e dyluftimit ne toke.

Historia moderne e MMA ne boten perendimore filloi me Ultimate Fighting Championship 1 (apo UFC 1) ku perfaqsues te arteve luftarake te ndryshme si boksi, sumo, kickboksi, mundja, Brazilian Jiu-Jitsu etj. garuan “stil kunder stilit” per te pare kush do fitonte.  Deri ne ate kohe, pershtypja e spektatoreve, bazuar dhe nga filmat e shumte, ishte qe artet luftarake qe perqendroheshin ne dyluftimin ne kembe do ta kishin shume te lehte fitoren.  Rezultati i habiti te gjithe kur Royce Gracie, perfaqsuesi i Brazilian Jiu-Jitsu i mundi te gjithe, megjithese ishte nje nder sportistet fizikisht me te dobet ne dukje.   Kur Royce Gracie e perseriti suksesin e UFC 1 edhe ne UFC 2 dhe UFC 4 (ai nuk mori pjese ne UFC 3), te gjithe bota e arteve luftarake e kuptoi se kishim hyre ne nje ere te re ku ata qe zoteronin vetem nje art luftarak kishin nevoje ta plotesonin arsenalin e tyre dhe me njohuri nga arte te tjera luftarake.  Shih kete video per nje permbledhje te shkurter te ndeshjeve te Royce Gracie:

Qe nga UFC-te e para, garuesit profesioniste ne MMA sterviten ne nje game te gjere disiplinash – ata sterviten te pakten ne nje “striking” art (art dyluftimi ne kembe) si kickboksi, boksi, muay thai apo karateja, dhe te pakten ne nje art dyluftimi ne toke si mundja apo judo dhe domosdoshmerisht dhe absolutisht te gjithe ushtrohen ne Brazilian Jiu-Jitsu.  Ndonese tashme jane hapur dhe te ashtuquajtura shkolla MMA neper bote, gjithsesi ushtruesit patjeter mesojne disiplinat e mesiperme si klasa me vete dhe pastaj perpiqen te bejne kombinimin e tyre ne klasat e MMA.

Per arsyet e permendura me lart, dhe klasa e MMA ne Tirana MMA Center eshte me e pershtatshme per ata ushtrues qe kane nje fare experience te pakten nje nje nga artet luftarake te dyluftimit ne kembe dhe dyluftimit ne toke.  Por, edhe nese nuk keni experience ne asnje nga keto, kjo klase mund te sherbeje si nje prezantim qe ju mund te keni me boten e arteve luftarake qe t’ju ndihmoje pastaj per te vendosur se ku do i thelloni me tej njohurite tuaja.

Instruktoret

Instruktore jane Rezart Spahia (shih te rubrika e Karatese dhe BJJ) si dhe Julian Maloku (shih te BJJ).

Oraret

Klasat e MMA behen diten e merkure ne ora 18:30 dhe diten e shtune ne ora 11:30.

Cmimi

Nese rregjistrimi behet vetem per keto dy klasa, cmimi eshte 2000 leke ne muaj.  Nese rregjistrimi behet ne kombinim me BJJ, pagesa eshte 3000 ne muaj. 

Sporti luftarak i boksit nuk ka nevoje per shume shpjegime.  Nje nga sportet luftarake me te lashta, ai ka pushtuar zemrat e shikuesve dhe ushtruesve per shume kohe.  Boksieri i famshëm Muhammad Ali (a.k.a Cassius Clay) vazhdon te jete figura sportive me e njohur ne te gjithe boten.

Ne Tirana MMA Center boksi ka te gjitha kushtet per te apasionuarit e rinj e te vjeter.  Ring, thase te rende, dardhe boksi e mbi te gjitha, instruktor te shkelqyer.

Oraret:

E marte, e enjte, e shtune : 15:00

Cmimi

Cmimi eshte 3000 leke ne muaj.

Instruktor

Fatjon Sorra

Instruktori i boksit ne Tirana MMA Center eshte Fatjon Sorra.  Fatjoni eshte fitues i disa garave nderkombetare, ka qene kampion kombetar qe nga viti 2002 dhe ka dale dhe nder 10 sportistet me te mire te klubit sportiv Partizani.    Fatjoni vazhdon te jete boksier aktiv dhe merr pjese si perfaqsues i Shqiperise ne shume gara nderkombetare.  Se fundmi Fatjoni fitoi medaljen e arte ne peshen plus 91kg ne turneun nderkombetar te mbajtur per nder te trajnerit shqiptar te Kosoves, Lah Limani.  Pasioni i Fatjonit per boksin nuk e ka penguar ate te kompletohet si profesionist duke u diplomuar ne shkollë të lartë për Ekonomi Biznes dhe mbaruar dhe studimet per Master në Menaxhim Agrobiznesi.

Kickboksi eshte nje sport luftarak qe praktikohet me goditjet me duar dhe me kembe.  Origjinen e ka qe nga vitet 1960 dhe ka ardhur si kombinim i disa nga teknikave te karatese, muai thai dhe boksit.  Kickboksi eshte sport shume popullor ne Europe dhe praktikohet shume edhe nga femrat te cilat e praktikojne jo vetem per vetembrojtje por edhe per te mbajtur nje forme te mire fizike.

Klasat e kickboksit ne Tirana MMA Center zhvillohen ne grup me pjesemarrjen e djemve dhe vajzave.  Ato zgjasin rreth 90 minuta dhe perbehen nga mesimi i teknikave, stervitje me thaset e kickboksit si dhe stervitje per lufte me kontakt (sparing) jashte dhe brenda ringut.   Klikoni ketu per te pare disa foto nga klasa e kickboksit.

Oraret

E hene, e merkure, e premte:  20:00

Cmimi

Cmimi eshte 3000 leke ne muaj.

Instruktori

Instruktori i kickboksit eshte Emir Dervishi.  Emiri eshte shqiptar nga Ulqini i cili ka qene kampion i Malit te Zi dhe ka qene shqiptari i pare qe  eshte perzgjedhur ne perfaqsuesen e kickboksit te Malit te Zi.  Emiri ka 20 ndeshje si profesionist dhe 14 fitore.  Ai vazhdon studimet ne Tirane per Juridik.

Themeluar ne Japoni ne fund te shekullit te 19te, Judo eshte nje nga artet luftarake qe eshte pjese e sporteve Olimpike qe ne vitin 1964.  Ne fakt, judistja shqiptare nga Peja Majlinda Kelmenti morri pjese ne Olimpiaden e Londres se vitit 2012, ndonese jo me rezultatet qe ne te gjithe shpresonim.   Ndryshe nga Brazilian Jiu-Jitsu qe perqendrohet ne luftimin ne toke pas rrezimit te kundershtarit, Judo perqendrohet ne hedhjen e kundershtarit ne toke nepermjet humbjes se drejtpeshimit, perdorimit te forces se kundershtarit dhe teknika te tjera.

Kurset e Judos jane te hapura per femije dhe te rinj te te gjitha moshave, femra e meshkuj.  Ato zhvillohen ne ditet si me poshte:

Orari

Marte: 18-19:30

Enjte: 18:00-19:30

Shtune: 9:00-10:30

Cmimi

Cmimi mujor eshte 3000 leke.

Instruktoret

Instruktoret e Judos jane Erind Cara dhe Kristian Tushaj, te dy mjeshtra te brezit te zi ne Judo si dhe kampione kombetare.  Ata gjithashtu jane trajnere te disa kampioneve kombetar dhe jane specializuar ne seminar te ndryshme nderkombetare.

Karateja eshte nje nga artet luftarake me te perhapura ne te gjithe boten dhe kjo vjen per shume arsye.   Ushtrimi i karatese jo vetem qe te meson vetembrojtje dhe pergatit nje trup te shendetshem, por mbi te gjitha rrenjos ne karakterin e ushtruesve disipline, kembengulje, perqendrim dhe vetebesim.   Femijet qe ushtrojne karate jo vetem qe shkarkojne energjite e tyre negative ne palester, por fitojne veti te karakterit qe i shoqerojne ata gjate gjithe jetes.

Klasat e karatese ne Tirana MMA Center jane te perqendruara per moshat nga 5 deri ne 14 vjec, meshkuj dhe femra. Ushtruesit praktikojne tre here ne jave per rreth 90 minuta.  Qellimi yne eshte qe ata jo vetem te mesojne aftesite e duhura vetembrojtese dhe sportive nga karateja por te permiresohen ne te gjithe aspektet e jetes se tyre, perfshi dhe mbarevajtjen shkollore.

Oraret:

Te Marte, te Enjte dhe te Shtune ora 16:30

Cmimi

Cmimi mujor eshte 3000 leke.

Instruktoret

Rezart Spahia

Rezarti eshte nje nga pioneret dhe themeluesit e karatese ne Shqiperi. I kualifikuar ne Rumani qe ne vitin 1993 si mjeshter i brezit te zi, Rezarti ka qene zevendes President i Federates Ballkanike te Karatese, President i pare i Federates Shqiptare te Karatese,  instruktor per artet luftarake i forcave speciale te gardes presidenciale dhe pjesetar i ekipit kombetar deri ne vitin 1995 kur ai shkoi per studime ne Sh.B.A.   Ne Amerike Rezarti vazhdoite ushtroje karate ne udheheqjen e Chief Instructor të Japan Karate Association ne Amerike, SenSei Masataka Mori, 9^th Dan si dhe asistentit te tij, SenSei Isami Shiroma, 6th Dan.  Ai ka garuar dhe fituar disa medalje edhe ne Amerike deri ne vitin 2005 kur ka garuar per here te fundit.  Jurist me profesion, pas kthimit ne Shqiperi në vitin 2010 Rezarti eshte perqendruar ne mesimin e brezit te ri dhe nxjerrjen e kampioneve te rinj kombetar dhe nderkombetar.

Erblin Kacnia

Erblini eshte gjenerata e trete e karateisteve ne Shqiperidhe ka ushtruar karate qe ne vitin 1995.  Inxhinjer me profesion, Erblini eshte 12 here kampion kombetar, nenkampion ballkanik dhe eshte fitues i disa medaljeve te nivelit europian.

Brazilian Jiu-Jitsu apo BJJ konsiderohet ne menyre universale tashme si nje nga artet luftarake më efikase në botë.  I njohur si “arti xhentil apo i butë” BJJ fokusohet ne ngushtimin e menjehereshem te distances me kundershtarin, hedhjen e tij ne toke dhe finalizimin e kundershtarit nepermjet kapjeve dhimbjeprurese dhe manipulimit te gjymtyreve dhe trupit si dhe shtrengimit dhe bllokimit te rrugeve te frymemarrjes apo eneve te gjakut.  BJJ i jep individeve me te vegjel apo te brishte nje shans te barabarte apo me te mire per te perballur kundershtare me te fuqishem.

Brazilian Jiu-Jitsu u be shume e famshme fillimisht ne Amerike e me pas ne bote pasi Royce Gracie (i biri i Helio Gracie i cili bashke me vellain e tij Carlos Gracie jane themeluesit legjendar te BJJ) mori pjese ne kampionate te arteve te ndryshme luftarake dhe arriti te mposhte kundershtare shume me te fuqishem dhe te medhenj se ai qe perfaqsonin disiplina te tjera si boksi, savate,  kickboksi, judo, sumo, mundja etj.  Nje video permbledhje e shkurter me luftat e Royce Gracie gjendet ne kete video.

Pas fitoreve te Royce Gracie-t, te gjithe ata qe ishin te dedikuar ne rrugen e arteve luftarake fillluan te mesojne Brazilian Jiu-Jitsu.  Sot BJJ eshte pjese e arsenalit dhe programit stervitor te te gjithe garuesve dhe kampioneve te botes qe garojne ne kampionate te arteve luftarake te kombinuara.  Nje nga anet me te mira te Brazilian Jiu Jitsu eshte qe mund te ushtrohet nga kushdo, pavaresisht nga forma fizike, mosha apo gjinia.  Ne fakt, Brazilian Jiu Jitsu eshte perfekte per vetembrojtje per femra sepse shume nga teknikat finalizuese te BJJ praktikohen nga pozicione ne dukje te pafavorshme per to.  Video me poshte eshte marre nga nje emision ku nje drejtuesi i emisionit, nje djale qe ka ushtruar shume arte luftarake, ndeshet me nje vajze qe ushtron Brazilian Jiu Jitsu.  Shihni videon ne youtube per te pare rezultatin….

Ne Tirana MMA Center Brazilian Jiu-Jitsu ushtrohet ne klasat per te rritur si dhe klasa per femije.   Klasat per te rritur ushtrohen me uniforme (gi) si dhe pa uniforme (pa gi).

Orari per te Rritur:

Te Hene, te Merkure dhe te Premte ora 18:30
Te Shtune ora 11:00.

BRAZILIAN JIU JITSU PER FEMIJE
Brazilian Jiu Jitsu eshte gjithashtu nje nga artet luftarake qe praktikohet gjithnje e me shume nga femijet ne bote.  Vete mjeshterit e Brazilian Jiu-Jitsu, familja Gracie, ja fillojne BJJ femijeve apo niperve te tyre qe ne moshen 3 vjecare.  Gjithsesi, ne Tirana MMA Center ne rekomandojme qe femijet te rregjistrohen ne klasen e femijeve rreth moshes 4-5 vjec.  Brazilian Jiu Jitsu per femije zhvillohet shpesh ne forme lojerash ne menyre qe femijet te mesojne levizjet dhe teknikat e ndryshme ne menyre sa me argetuese.

Orari per femije:

Te Hene, te Merkure dhe te Premte ora 17:30

Cmimi

Cmimi per te ushtruar Brazilian Jiu Jitsu eshte 3000 leke ne muaj per femije edhe per te rritur.
Per me shume informacion kontaktoni +355672083913 ,+355 6820 11888 ose info@tiranammacenter.com.

Instruktoret

Rezart Spahia

Rezarti ka ushtruar arte luftarake qe ne vitin 1991 dhe pervec qe ushtron ne BJJ eshte gjithashtu brez i zi ne karate.   I cytur nga fitoret e Royce Gracie ne UFC 1, 2, dhe 4 Rezarti filloi te interesohet dhe per kete art luftarak kaq efektiv sa Brazilian Jiu Jitsu.  Ai fillimisht ushtroi BJJ ne vitin 2005 ne New York, ne akademine e disa here kampionit te botes Renzo Gracie.  Ne vitin 2009, pas nje nderprerje disa vjecare, Rezarti vazhdoi te ushtroje ne Londer ne akademine e kampionit aktual Roger Gracie ku dhe morri kualifikimet e metejshme.  Pas kthimit ne Shqiperi, Rezarti vazhdoi te ushtroje me Paulo Rigon, instruktor i kualifikuar nga mjeshtri Luiz Palhares.   Jurist me profesion, pas kthimit ne Shqiperi Rezarti eshte perqendruar ne mesimin e brezit te ri dhe nxjerrjen e kampioneve te rinj kombetar dhe nderkombetar.

Julian Maloku

Juli eshte nje entuziast i arteve luftarake dhe sportit ne pergjithesi.  Ai ka ushtruar muai thai dhe kickboks si dhe eshte stervitur ne Brazilian Jiu-Jitsu per me rreth 3 vjet.  Juli ka bere dhe stervitje kualifikuese ne akademine e Roger Gracie ne Londer.  Ne tetor te 2012 Juliani doli ne vend te trete ne kategorine e tij kampionatin nderkombetar Bulgarian Open.  Bashke me nje medalje tjeter te marre nga nje sportist tjeter i ekipit te BJJ te Tirana MMA Center, kjo eshte medalja e pare qe sportistet shqiptare kane marre ne artin e BJJ.   Juli e ka pasion mesimdhenien dhe eshte instruktori kryesor i Brazilian Jiu-Jitsu per femije.  Ai ka studiuar per kompozicion dhe shkenca politike dhe punon per nje nga kompanite me te medha ajrore ne bote.

Arber Uka

I specializuar jashte per industrine e turizmit,  Arberi ka pasur mundesi te njihet ne fillim me Brazilian Jiu-Jitsu gjate kohes qe ai jetonte ne Zvicer.   Pas kthimit ne Shqiperi, Arberi vazhdoi te ushtroje me Julin dhe Rezartin dhe tani se bashku perpiqen ta ndajne pasionin e tyre per BJJ edhe me nxenesit e tyre.

Dorian Petriti

Dori eshte asistent-instruktori i Brazilian Jiu Jitsu per femije.   Ai eshte kualifikuar si brezi blu nga Paulo Rigon dhe eshte me profesion inxhinjer.  Dori dallohet per durimin dhe taktin qe ka me femijet, aq sa edhe Rezarti, edhe Juli (instruktore te BJJ per te rriturit) preferojne qe te jete Dori ai qe u meson BJJ femijeve te tyre.

Shume prej nesh nuk kane as nevoje dhe as deshire qe te vrapojne aq shume sa te dobesohen si nje maratonist dhe as te ngrene pesha aq fort sa te behen si nje “bodybuilder” apo shtangist!!  Shumica e njerezve thjesht kane nevoje per nje pergatitje fizike qe i ben te ndihen mire fizikisht dhe shpirterisht si dhe te mos kene kile te teperta ne trup dhe kolesterol mbi normat ne gjak.  Klasa e Fitness-it Intesiv (e ngjashme me CrossFit) eshte pikerisht klasa e duhur qe arrin keto rezultate.
Fitnessi Intensiv pershin ushtrime te shumta force, aerobie, anaerobie, zgjatimesh muskulare dhe gjithashka tjeter qe i duhet nje individi te cfaredo lloj moshe apo gjinie per te ardhur ne forme fizike te kenaqeshme.  Ndyshe nga palestrat e forceste tipit “bodybuilder”, shumica e ushtrimeve jane ushtrime te lira qe behen ne tapet me peshen e trupit dhe jane menduar per t’ju pershtatur c’do personi, te c’do niveli te pergatitjes fizike.  Ushtrimet jane c’do dite te ndryshme, duke bere qe muskujt e trupit te vihen ne pune ne totalitetin e tyre.

Ndonese ka dhe klasa private, klasat e fitnesit zhvillohen ne grupe gje qe shton dhe larmishmerine dhe shpirtin e gares per te sfiduar vetveten.  C’do ushtrim behet nen udheheqjen e instruktorit te specializuar i cili percakton ngarkesen e dites ne vartesi te pergatitjes fizike dhe moshes, demonstron ushtrimet dhe kontrollon zbatimin e tyre.   Pavaresisht nese ke bere ose jo ushtrime fizike me perpara, instruktoret kane nje game te gjere ushtrimesh qe ne menyre progresive jua rritin kapacitetet atletike dhe permiresojne gjendjen shendetsore.  Per arsye te intensitetit te tyre, klasat zgjasin rreth 60 minuta.

Oraret:
Te Hene, Merkure, Premte nga ora 13:00 – 14:00 dhe 14:00-15:00.
Keto dy orare jane perfekte per ata familjare ose profesioniste qe nuk mundente ushtrohen gjate pasdites por qe ne orarin e drekes, ne vend qe te shtojne kilet restoranteve bejne nje ore stervitje intensive, bejne nje dush ne palester dhe i rikthehen punes te rigjalleruar.  Vendodhja e Tirana MMA Center vetem 500 metra larg nga pallati i cultures e ben shume te thjeshte udhetimin per dhe nga aty.

Te Marte, Enjte, Shtune nga ora 20:00-21:00 dhe 21:00-22:00.
Kjo klase eshte e hapur per te gjithë dhe ka dy seanca deri ne orën 22:00.

Cmimi
Cmimi mujor per tu stervitur 3 here ne jave eshte 3000 leke.Per tu stervitur perdite eshte 5000 leke.
Instruktoret ofrojne edhe klasa private.Per me shume informacion kontaktoni +355672083913,+355 682011888 ose info@tiranammacenter.com.